يا اخووووووى

موضوع: يا اخووووووى الإثنين أغسطس 29, 2011 12:50 am

*-* ياأخوي ؛؛؛

في السماء الوسيعه ... أدور ملامح صورتك ؛؛؛
ياأخوي ؛؛؛
http://www3.0zz0.com/2011/03/08/19/750672597.jpg

يا أخوي شلونك ؟؟
مشتاقة ... لك يا أخوي
مشتاقة ... لمبسمك وعيونك
فراغ الكون بعدك
يا هو كئيب البيت من دونك
يا هو مشتاق لجنونك
لا تسألنا عن الحال
حالنا يا بعد عمري والله ... حال
تبي تسمع أخبار ؟؟ تبي تدري ش اللي صار ؟؟
أنا بعدك كرهت الرياض ومافيها
حتى شوارعها ومبانيها
o
O
o
رحلت يا أخوي لكن حسك مارحل
تغني / تضحك / وتسرح
تعصب / تتضايق / وتفرح
وإذا جاني الليل ... أصير أسمعك أوضح
تناديني ؟؟ يا عيني
نامي
ذبحك السهر يا بنت
لا عاد هالأنترنت !!
خذا عقلك وتفكيرك
هالمنتدى ماعندهم غيرك ؟؟!!
تعالي نسولف شوي
تعالي با أقول لك شي
وأدري ماعندك شي
تدري يا خوي ؟؟!!
ألعب على نفسي
أقول يا بنت أنسي
بتمشي الأيام وتمر... وبيمشي العمر
أكذب على نفسي أدري
تونا بدري
ماراح من الفرقى غير "يومين"
الله يساعد / الله يعين
تدري ياخوي و شبيدي الحين
بيدي "صورهـ" من السنين
وحنا صغار
o
O
o
يوم كنا صغار
ما عدنا الاثنين الصغار
مشى الزمن فينا والوقت "دار"
وصرنا كبار
وتغير كل شي
"إلا"
حطة راسي على كتفك
ومسكة كفي لكفك
كنت تطالعني تبتسم تشيلني وتقفّي
آهـ يا مقفّي كنت دايم واقف بصفي
تبي تسمع بعد أخبار ؟؟

تبي تدري بعدك شاللي صار
؟؟
o
O
o
"أمك"
سيرتها من مشيت
ياليتني ماخليته يروح ياليت وياليت
وينه حبيبي ؟؟ وينه شمعة البيت ؟؟
من أبسأل وين أنت ؟؟ وشسويت؟؟
متى راجع ؟؟ ولاتتأخر علي ... ومن وين جيت ؟؟!!
لا تسرع وأنا أمك ... وشوي شوي إن مشيت
o
O
o
"وأبوك"
تصدق ياخوي توقعته أقوى
أثره على فراقاك مايقوى
كل يوم يودي بسيرتك ويجيب
ولدي رجّال ما ينخاف عليه
ولدي ذيب

o
O
o
"وأخوانك"

بقعدتهم خالي مكانك
تعال وشوف حاله في بعدك
ملوا كل شي بعدك
لا طلعات / لا مشوار
لا سهرات / لا نادي / حتى أبو نوره
ما قمنا نسمع له
إن سمعنا له تجي على البال
والكل يدمع
/
\
/
آآآآآهـ ولاسمعنا "الأماكن"
ياهو يهتز فينا كل ساكن
فيها مقاطع ودي أبو نوره مايقولها
ودي أنها مايغنيها
"الأماكن الي مريت إنت فيها ... عايشة بروحي وأبيها ... بس لكن مالقيتك"
ليتك تشوف الحال ياخوي ليتك
كنه أبو نوره مغنيها عشانك
كنه داري إنه بيخلى مكانك
وأحتريك
أمر الاماكن ... لكن
ما ألاقيك
"كل شي حولي يذكرني بشي ...حتى صوتي وضحكتي لك فيها شي ...
لو تغيب الدنيا عمرك ماتغيب ... شوف حالي آهـ من تطري علي"

/
\
/
فقدنا قعدتك معانا
كان السهر معك غير
كان الليل يجمعنا
ليش السهر الحين ؟؟
ما للسهر "طعم" ... ماللسهر "معنى"
حتى قعدات العشا
تذكر ياخوي ؟؟
تذكر الجالكسي و قهوتنا والأخبار ؟؟
وين أنت يـ الغالي ؟؟
يقولون أبالغ وأكبر الموضوع
ماشافو حالك وحالي
يوم ودعتك وعيونك تلمع ... دموع
"أشوفكم على خير ... لاتبكون ... وأدعوا لي"
الله يأخذك يالفرقا ... ذبحتيني
بكل حملك هالمرة جيتيني
الحين يعني ذكرتيني ؟؟
حطمتي قلبي ... قـتلتيني
هديتي كُل حيلي اللي فيني
بقولك شي يافرقا ... وطيعيني
خذيني ... ولأخوي ودّيني
بعدين إنسيني
يافرقا ... تسمعيني ؟؟!!

"إنسيــــــــيني"
/
\
/
أجادت الكاتبه

الكلام حلو واكثر من حلو بس لازم نفهم ايش السالفه عالعموم مشكوره وماقصرتي